ރަސްމީ ގަޑި: އާދީއްތަ - ބުރާސްފަތި: 08:00 - 14:00
ނޭޝަނަލް އިންޓެގްރިޓި ކޮމިޝަންއަކީ އަމިއްލަ ނަމުގައި ދަޢުވާކުރުމާއި ދަޢުވާ ލިބިގަތުމުގެ ބާރު ލިބިފައިވާ، އަމިއްލަ ނަމުގައި މުޢާމަލާތުކުރުމުގެ ހައިސިއްޔަތު ލިބިފައިވާ އަދި ވަކި ސިއްކައެއް އޮންނަ މިނިވަން ޤާނޫނީ ޝަޚްޞެކެވެ.
ކޮމިޝަން އެކުލެވިގެންވަނީ 5 (ފަހެއް) މެންބަރުންގެ މައްޗަށެވެ.
ކޮމިޝަނުގެ ޤާނޫނަށް ޢަމަލުކުރަން ފަށާއިރު ސަރުކާރުގެ ކަމާބެހޭ ދާއިރާއަކަށް ހުށަހަޅާފައިވާ މައްސަލައެއް ފިޔަވައި، އެކަމެއްގެ މައްޗަށް އެ މައްސަލަ ބިނާވެފައިވާ ކަންކަން ހިނގާފައިވަނީ ކޮމިޝަނުގެ ޤާނޫނަށް ޢަމަލުކުރަން ފެށުމުގެ ފަހުގެ ތާރީޚެއްގައި ކަމަށްވާނަމަ އެ މައްސަލައެއް. އެކަމެއްގެ މައްޗަށް އެ މައްސަލަ ބިނާވެފައިވާ ކަންކަން ހިނގި ތާރީޚާއި އެ މައްސަލައެއް ކޮމިޝަނަށް ހުށަހެޅި ތާރީޚާއި ދެމެދު މީލާދީ ގޮތުން 02 (ދޭއް) އަހަރު ދުވަސް ފުރިހަމަނުވާނަމަ އެ މައްސަލައެއް.
ކޮންމެ ފަރާތަކަށްވެސް ކޮމިޝަނަށް ޝަކުވާއެއް ހުށަހެޅިދާނެއެވެ.
ކޮމިޝަނަށް ޝަކުވާއެއް ހުށަހަޅާއިރު، އެ ޝަކުވާއެއް ހުށަހަޅާ ފަރާތުގެ މަޢުލޫމާތު ކޮންމެހެން ހާމަކުރާކަށް ނުޖެހޭނެއެވެ. އެހެންނަމަވެސް، ޝަކުވާ ހުށަހަޅާ ފަރާތުގެ މަޢުލޫމާތު ހާމަކޮށްފައިނުވާނަމަ، ހުށަހަޅާ ޝަކުވާއާ ގުޅޭ އިތުރު މަޢުލޫމާތު ހޯދުމަށް ކޮމިޝަނަށް ދަތިތަކެއް ވާނެކަން ޝަކުވާ ހުށަހަޅާ ކޮންމެ ފަރާތެއްވެސް ހަނދުމަކުރަންވާނެއެވެ.
ކޮމިޝަނަށް ހުށަހެޅޭ ކޮންމެ މަޢުލޫމާތަކީ ކޮމިޝަނުގެ މެންބަރުންވެސް އަދި މުވައްޒަފުންވެސް ސިއްރުގެ ގޮތުގައި ހިފަހައްޓަންޖެހޭ މަޢުލޫމާތެކެވެ. އެފަދަ މަޢުލޫމާތެއް ޤާނޫނު ހުއްދަކުރާ ގޮތުގެމަތިން ހާމަކުރަންޖެހޭ ފަރާތްތަކަށް ހާމަކުރުން ފިޔަވައި އެއްވެސް ފަރާތަކަށް ހާމައެއްނުކުރެވޭނެއެވެ.
ކޮމިޝަނަށް ޝަކުވާއެއް ހުށަހެޅުމުން އެ ޝަކުވާއަކީ އިބްތިދާޢީ ތަޙްޤީޤެއް ހިންގަންޖެހޭ މައްސަލައެއްތޯ ނުވަތަ އިބްތިދާޢީ ތަޙްޤީޤެއް ނުހިންގާ ފުރިހަމަ ތަޙްޤީޤެއް ހިންގަންޖެހޭ މައްސަލައެއްތޯ ނިންމާނީ ކޮމިޝަނުގެ މެންބަރުންގެ އަޣުލަބިއްޔަތުންނެވެ.
އިބްތިދާޢީ ތަޙްޤީޤަކީ ހުށަހެޅިފައިވާ މައްސަލައެއްގެ ބާވަތް ދެނެގަތުމަށާއި، އެ މައްސަލައަކީ ކޮމިޝަނުން ފުރިހަމަ ތަޙްޤީޤެއް ހިންގަންޖެހޭ މައްސަލައެއްތޯ ނުވަތަ ނޫންތޯ ބެލުމަށް ކޮމިޝަނުން ހިންގާ ތަޙްޤީޤެކެވެ. މައްސަލައެއްގެ އިބްތިދާޢީ ތަޙްޤީޤެއް ކުރުމަށްފަހު، އެ މައްސަލައަކީ ކޮމިޝަނުން ފުރިހަމަ ތަޙްޤީޤެއް ހިންގަންޖެހޭ މައްސަލައެއްތޯ ނުވަތަ ނޫންތޯ، ނުވަތަ އެހެން މުއައްސަސާއަކަށް ތަޙްޤީޤްކުރުމަށް ފޮނުވަންޖެހޭ މައްސަލައެއްތޯ ނިންމާނީ ކޮމިޝަނުގެ މެންބަރުންގެ އަޣުލަބިއްޔަތުންނެވެ.
އެ މުވައްޒަފެއްގެ މައްސަލަ ކޮމިޝަނަށް ހުށަހެޅިދާނެއެވެ.
އެ މުވައްޒަފެއްގެ މައްސަލަ ކޮމިޝަނަށް ހުށަހެޅިދާނެއެވެ.