މަހޯލި

ތައާރަފް

ދައުލަތުގެ އިދާރާއެއްގައިވާ މަޢުލޫމާތެއް ހޯދައި ލިބިގަތުމަކީ، މަޢުލޫމާތު ހޯދުމާއި ލިބިގަތުމުގެ ޙައްޤުގެ ޤާނޫނު (ޤާނޫނު ނަމްބަރ: 1/2014) ގައި ބަޔާންކޮށްފައިވާ އުޞޫލުތަކާއި އެއްގޮތްވާ ގޮތުގެ މަތީން، އެކަމަށް އެދޭ ކޮންމެ މީހަކަށްމެ، ލިބިގެންވާ އަދި ތަންފީޒު ކުރެވޭނެ ޤާނޫނީ ޙައްޤެކެވެ. 
ނޭޝަނަލް އިންޓެގްރިޓި ކޮމިޝަނުގެ މުރާޖަޢާ ކޮމިޓީ
މުރާޖައާ ކޮމިޓީއަކީ މަޢުލޫމާތު ހޯދުމާއި ލިބިގަތުމުގެ ޙައްޤުގެ ޤާނޫނުގެ ދަށުން ޢައްޔަން ކޮށްފައިވާ، އެ އިދާރާއެއްގެ ނުވަތަ އެ މުވައްސަސާއެއްގެ އިންފޮމޭޝަން އޮފިސަރަކު، މަޢުލޫމާތު ދިނުމަށް އިންކާރު ކުރުން ނުވަތަ ދެއްވި މަޢުލޫމާތު ފުރިހަމަނުވުން ނުވަތަ މަޢުލޫމާތު ދިނުމަށް ކަނޑައަޅާފައިވާ މުއްދަތުގެ ތެރޭގައި މަޢުލޫމާތު ނުދިނުން ފަދަ ކަންކަން ދިމާވުމުން ޝަކުވާ ހުށަހަޅަން އޮންނަ ކޮމިޓީއެކެވެ. މި މަޤްސަދު ހާސިލް ކުރުމަށް މިކޮމިޝަނުން އެކުލަވައިލާފައިވާ ކޮމިޓީ ގެ މެންބަރުން:

1. 1.  ޑިރެކްޓަރ އިންވެސްޓިގޭޝަން
2. 2. އެޑްމިނިސްޓްރޭޓިވް އޮފިސަރ

ލިޔެކިޔުން ބެލެހެއްޓުމުގައި އަމަލުކުރާ ގޮތް

ލިބޭ ލިޔެކިޔުންތައް ބެލެހެއްޓުމުގައި މައިގަނޑު ދެ ގޮތަކަށް އަމަލުކުރެވެއެވެ. އެއީ:

• - ހާޑް ކޮޕީގެ ގޮތުގައި ފައިލްކުރުން
• - ޑިޖިޓަލް ފޯމެޓްތަކުގައި ރައްކާކުރުން

މަޢުލޫމާތު ބެލެހެއްޓުން

ނޭޝަނަލް އިންޓެގްރިޓީ ކޮމިޝަނުގައި އުފައްދާ އަދި ކޮމިޝަނަށް ލިބޭ ހުރިހާ މައުލޫމާތެއް ކޮމިޝަނުގައި ބަލަހައްޓައެވެ. އެގޮތުން ކޮމިޝަނުގެ މަސައްކަތްތަކާ ގުޅޭ ހުރިހާ ލިޔެކިޔުން ކޮމިޝަނުގައި ބަލަހައްޓައެވެ.
އާއްމުކޮށް ޕަބްލިޝްކުރާ މަޢުލޫމާތުގެ ބާވަތްތައް

• - ނޭޝަނަލް އިންޓެގްރިޓީ ކޮމިޝަނުން ތައްޔާރުކުރާ ރިޕޯޓްތައް
• - މައްސަލަތަކުގެ ސްޓެޓްސް
• - ކޮމިޝަނާގުޅޭ ޚަބަރުތައް
• - ނޭޝަނަލް އިންޓެގްރިޓީ ކޮމިޝަނުގެ ފަރާތުން އާއްމުކުރާ އިޢުލާންތަކާއި އެންގުންތައް
• - ކޮމިޝަނަށް ލިބޭ ބަޖެޓާބެހޭ މަޢުލޫމާތު
• - މުވައްޒަފުންގެ މަޢުލޫމާތު
• - މުސާރައިގެ މަޢުލޫމާތު
• - ކޮމިޝަނުގެ މެންބަރުންގެ ހާޟިރީ

ނޭޝަނަލް އިންޓެގްރިޓި ކޮމިޝަނުގައި ގެންގުޅެ ބަލަހައްޓާ މައުލޫމާތައް އެދުމުގައި އަމަލުކުރަންވީ އުސޫލު

މަޢުލޫމާތު ހޯދުމާއި ލިބިގަތުމުގެ ޙައްޤުގެ ޤާނޫނު (ޤާނޫނު ނަމްބަރ: 1/2014) ގައި ބަޔާންކޮށްފައިވާ އުޞޫލުތަކާއި އެއްގޮތްވާ ގޮތުގެ މަތީން، އެކަމަށް އެދޭ ކޮންމެ ފަރާތަކަށް (ދަޢުލަތުގެ އިދާރާތަކާ އެހެނިހެން ޢިދާރާތަށްވެސް ހިމެނޭގޮތުން)، ނޭޝަނަލް އިންޓެގްރިޓީ ކޮމިޝަނުން މަޢުލޫމާތައް އެދި ހުށަހެޅޭނެއެވެ. އެގޮތުން ކޮމިޝަނުން މައުލޫމާތު ހޯދުމަށް އެދި ދެ ގޮތަކަށް ހުށަހެޅުމުގެ އިންތިޒާމުވަނީ ހަމަޖެހިފައެވެ. އެއީ:

1. 1. މަޢުލޫމާތު ހޯދުމާއި ލިބިގަތުމަށް އެދޭ ފޯމު ފުރިހަމަކޮށް ކޮމިޝަނުގެ އިންފޮރމޭޝަން އޮފިސަރަށް އީމެއިލްގެ ޒަރީއާއިން ފޮނުވުން.
2. 2. ކޮމިޝަނުގެ ވެބްސައިޓްގެ "މަހޯލި" ޕޭޖްގައިވާ އޮންލައިން ފޯމު ފުރުމަށްފަހު ހުށަހެޅުން.