ކޮވިޑް-19 އާ ގުޅިގެން ކޮމިޝަނުގެ ޚިދުމަތް ހޯދުމުގެ އިންތިޒާމް ހަމަޖެހިފައިވާ ގޮތް
ޝެއަރކުރުމަށް
ޝާއިޢުކުރި ތާރީޚް: 17 މާރިޗު 2020
ކޮވިޑް 19 އާއި ގުޅިގެން ރާއްޖޭގައި ސިއްޙީ ކުއްލި ނުރައްކަލުގެ ޙާލަތު އިޢުލާން ކުރެވިފައިވާތީ އާއި ބަލި ފެތުރުން ހުއްޓުވުމަށް ދައުލަތުން އަޅުއްވަމުންގެންދަވާ ފިޔަވަޅުތަކާގުޅިގެން މި ކޮމިޝަނުން ޚިދުމަތް ހޯދާ ފަރާތްތަކާއި ކޮމިޝަނުގެ މުވައްޒަފުންގެ ރައްކާތެރިކަމަށް އެޅޭ ފިޔަވަޅެއްގެ ގޮތުން ނޭޝަނަލް އިންޓެގްރިޓީ ކޮމިޝަނުން ޚިދުމަތް ދިނުމާއި ޚިދުމަތް ހޯދުމުގެ އިންތިޒާމްތަކަށް ތިރީގައިވާ ގޮތުގެ މަތިން ބަދަލު ގެނެވިފައިވާ ވާހަކަ ދަންނަވަމެވެ.
ކޮމިޝަނަށް ހުށަހަޅަން ބޭނުންވާ ލިޔެކިޔުންތައް ކޮމިޝަނަށް ހާޒިރުވެ ހުށަހެޅުމުގެ ބަދަލުގައި ކޮމިޝަނުގެ ވެބްސައިޓް http://www.nic.gov.mvއަދި އީމެއިލް ,[email protected]މެދުވެރިކޮށް ހުށަހެޅުން.
ޝަކުވާ/ މައްސަލަ ހުށަހަޅުއްވުމަށް ތިރީގައިވާ ލިންކުން ފެނިވަޑައިގަންނަވާ ފޯމު ފުރުމަށްފަހު [email protected] އަށް މެއިލް ކުރެއްވުން އެދެމެވެ.
ޝަކުވާ/ މައްސަލަ ހުށަހަޅާ ފޯމު: މައްސަލަހުށަހަޅާ ފޯމު | ފޯން: 3302582 ،7967329
ކޮމިޝަނުން ދޫކުރާ ލިޔުންތައް އިންޓަރނެޓާއި ސޯސަޝަލް މީޑިއާގެ ވަޞީލަތްތައް މެދުވެރިކޮށް ފޯރުކޮށްދިނުން.