މެންބަރުގެ ތަޢާރަފު

ނޭޝަނަލް އިންޓެގްރިޓީ ކޮމިޝަނުގެ މެންބަރު ކަމަށް އަލްއުސްތާޛާ މަރްޔަމް އިންޝާ ފައިޞަލް، ރައީސުލްޖުމްހޫރިއްޔާ އައްޔަނުކުރައްވާފައިވަނީ 2024 ޑިސެންބަރު 16 ވަނަ ދުވަހުއެވެ. އަލްއުސްތާޛާ މަރްޔަމް އިންޝާ ފައިޞަލްއަކީ 2012 ވަނަ އަހަރު ދިވެހިރާއްޖޭގެ ޤައުމީ ޔުނިވަރސިޓީން ޤާނޫނީ ދާއިރާއިން ބެޗެލަރ އޮފް ލޯސް (އޮނަރސް) ހާޞިލްކުރައްވައި، 2024 ވަނަ އަހަރު އޮސްޓްރޭލިއާގެ ޔުނިވަރސިޓީ އޮފް ނިއު ސައުތު ވޭލްސް އިން ކްރިމިނަލް ޖަސްޓިސް އެންޑް ކްރިމިނޮލޮޖީ، އަދި ހިއުމަން ރައިޓްސް ލޯ އެންޑް ޕޮލިސީއަށް ޚާއްސަވެ ވަޑައިގެން، މާސްޓަރ އޮފް ލޯސް ހާޞިލްކުރައްވާފައިވާ ބޭފުޅެކެވެ. މީގެ އިތުރުން، އަލްއުސްތާޛާ މަރްޔަމް އިންޝާ ފައިޞަލްވަނީ 2018 ވަނަ އަހަރު ސައިރިކްސް ކޮލެޖުން ސައިކޮލޮޖީގެ ދާއިރާއިން ސެޓްފިކެޓް III ވެސް ހާޞިލްކުރައްވާފައެވެ. އަދި އަލްއުސްތާޛާ މަރްޔަމް އިންޝާ ފައިޞަލްއަކީ ތަޙްޤީޤާއި، ޤާނޫނީ ދާއިރާއާގުޅޭ ގިނަ ތަމްރީންތައް ރާއްޖެއާއި ރާއްޖެއިން ބޭރުން ހާޞިލްކުރައްވާފައިވާ ބޭފުޅެކެވެ.

އަލްއުސްތާޛާ މަރްޔަމް އިންޝާ ފައިޞަލްވަނީ ނޭޝަނަލް އިންޓެގްރިޓީ ކޮމިޝަނުގައި 9 އަހަރަށްވުރެ ގިނަ ދުވަހު ޚިދުމަތްކުރައްވާފައެވެ. ނޭޝަނަލް އިންޓެގްރިޓީ ކޮމިޝަނުގެ މަސައްކަތުގެ ދާއިރާގައި އަލްއުސްތާޛާ މަރްޔަމް އިންޝާ ފައިޞަލް މަސައްކަތް ފެއްޓެވީ 2014 ވަނަ އަހަރު ޕޮލިސް އިންޓެގްރިޓީ ކޮމިޝަނުގައެވެ. ނޭޝަނަލް އިންޓެގްރިޓީ ކޮމިޝަނާ އަލްއުސްތާޛާ މަރްޔަމް އިންޝާ ފައިޞަލް ގުޅިވަޑައިގަތީ، 2015 ވަނަ އަހަރު ޕޮލިސް އިންޓެގްރިޓީ ކޮމިޝަން އުވާލައި، އެ ކޮމިޝަނުގެ މަސައްކަތްތައް ނޭޝަނަލް އިންޓެގްރިޓީ ކޮމިޝަނަށް ބަދަލުކުރުމުންނެވެ. 

މީގެ އިތުރުން، ކޮމިޝަނުގެ ކޮމްޕްލެއިންސް ކޮމިޓީގެ މެންބަރު ކަމާއި، އިންފޮމޭޝަން އޮފިސަރުކަންވެސް އަލްއުސްތާޛާ މަރްޔަމް އިންޝާ ފައިޞަލް މީގެ ކުރިން އަދާކުރައްވާފައިވެއެވެ. އަދި ޕޮލިސް އިންޓެގްރިޓީ ކޮމިޝަނުންނާއި ނޭޝަނަލް އިންޓެގްރިޓީ ކޮމިޝަނުގެ ފަރާތުން ދިވެހި ފުލުހުންގެ ޚިދުމަތަށް ހިންގާފައިވާ ގިނަ ތަމްރީން ސެޝަންތައްވެސް އަލްއުސްތާޛާ މަރްޔަމް އިންޝާ ފައިޞަލް ނަންގަވައިދެއްވާފައިވެއެވެ.

އިތުރު މެންބަރުން