ނޭޝަނަލް އިންޓެގްރިޓީ ކޮމިޝަނުގެ 2023 ވަނަ އަހަރުގެ މުވައްޒަފުންގެ ޚިދުމަތުގެ އަގުވަޒަންކުރުން

ނޭޝަނަލް އިންޓެގްރިޓީ ކޮމިޝަނުގެ މުވައްޒަފުންގެ މަސައްކަތުގެ އަގު ވަޒަންކޮށް ޙައްޤުވާ މުވައްޒަފުންނަށް އެކަމުގެ ރިކޮގްނިޝަން ދިނުމަށް 2024 ޖެނުއަރީ 9 ވަނަ ދުވަހު ނޭޝަނަލް އިންޓެގްރިޓީ ކޮމިޝަނުގައި ހާއްސަ ހަފްލާއެއް ބާއްވައިފިއެވެ. މި ހަފްލާގައި، 11 ޖަނަވަރީ 2023 ގައި ކޮމިޝަނުން ފާސްކޮށް އަމަލުކުރަންފަށާފައިވާ މުވައްޒަފުންގެ ޚިދުމަތުގެ އަގުވަޒަންކުރުމުގެ އުޞޫލާ އެއްގޮތަށް 2023 ވަނަ އަހަރު ދިނުމަށް ހަމަޖެހިފައިވާ މުވައްޒަފުންގެ މަސައްކަތުގެ އަގުވަޒަންކޮށް ދެވޭ އެވޯޑްތައް މުވައްޒަފުންނަށް ދެވިފައިވެއެވެ. 

މި ހަފްލާގައި، ކޮމިޝަނުގެ މެންބަރުންނާއި އިސްވެރިން އަދި މުވައްޒަފުން ބައިވެރިވިއެވެ. މި ރަސްމިއްޔާތުގައި ވަނީ 2023 ވަނަ އަހަރު އޮފީހުގެ މުވައްޒަފުންގެ ތެރެއިން ފާހަގަކޮށްލެވޭ މަސައްކަތްތަކެއް ކުރެއްވި ގިނަ މުވައްޒަފުންތަކަކަށް އިނާމާއި ހަނދާނީ ލިޔުން ދެވިފައެވެ. މީގެ ތެރޭގައި އެމްޕްލޯއީ އޮފް ދަ އިޔަރ 2023، އެމްޕްލޯއީ ޗޮއިސް އެވޯޑް 2023، ހާޟިރީ އެވޯޑް 2023 އަދި ކޮމިޝަނަށް 5 އަހަރު ޚިދުމަތްކޮށްފައިވާ މުވައްޒަފުންނަށް ޚިދުމަތުގެ އަގުވަޒަންކުރުމުގެ ހަނދާނީ ލިޔުން ދެވުނެވެ. 

އެގޮތުން "އެމްޕްލޯއީ އޮފް ދަ އިޔަރ 2023" ހާސިލްކޮށްފައިވަނީ ސީނިއަރ އިންވެސްޓިގޭޓަރ ރިފްޢާ ޙަސަން އެވެ. އަދި "އެމްޕްލޯއީ ޗޮއިސް އެވޯޑް 2023" ހާސިލްކޮށްފައިވަނީ ސިސްޓަމް އެޑްމިނިސްޓްރޭޓަރ އާދަމް ތަހްސީން އެވެ. ހާޟިރީ އެވޯޑް 2023 ހާސިލްކޮށްފައިވަނީ ސީނިއަރ އިންވެސްޓިގޭޓަރ ރިފްޢާ ޙަސަންގެ އިތުރުން އާސިމް ޒަކަރިއްޔާ އަދި އޮފީސް އެސިސްޓަންޓް އަޙްމަދު ފިރުޝާންއެވެ. މީގެ އިތުރުން ކޮމިޝަނަށް 5 އަހަރު ހިދުމަތްކޮށްފައިވާ ފަރާތްތަކަށްދޭ ހަނދާނީ ލިޔުން 19 މުވައްޒަފަކަށް ލިބިފައިވާކަންވެސް ފާހަގަކޮށްލެވެއެވެ.